თეგი: ვაგნერის დაჯგუფება
უკრაინის შეიარაღებულმა ძალებმა პოპასნაში დაჯგუფება „ვაგნერის" შტაბი გაანადგურეს - მედია
რუსეთის ტელეგრამ-არხების ცნობით, უკრაინის შეიარაღებულმა ძალებმა ოკუპირებულ ლუგანსკში, პოპასნაში, დაჯგუფება „ვაგნერის" შტაბი გაანადგურეს. რუსული მედია იუწყება, რომ რამდენიმე დღის წინ, იმ შენობის ფოტო, სადაც დაჯგუფება „ვაგნერის“ შტაბი იყო განთავსებული რუსმა სამხედრო კორესპონდენტმა გამოაქვეყნა. 8 აგვისტოს, პოპასნაში დაჯგუფება „ვაგნერის“ შტაბში ვიზიტის შემდეგ, პუბლიკაცია Telegram-ში სამხედრო კორესპონდენტმა სერგეი სრედამ გამოაქვეყნა. „მოვედი პოპასნაში, „ვაგნერის“ PMC-ის შტაბ-ბინაში. დაგვხვდნენ როგორც ახლობელს. რამდენიმე სასაცილო ამბავი გავიხსენეთ." სრედამ ასევე გამოაქვეყნა ფოტოებიც სადაც „ვაგნერის“ ხელმძღვანელი ევგენი პრიგოჟინიც ჩანს, თუმცა თავად ამ ფაქტს უარყოფს. ამ ფოტოებმა მრავალი პრორუსი კომენტატორის აღშფოთება გამოიწვია, რადგან ერთ-ერთ მათგანზე ნაჩვენებია აბრა, უახლოესი თავშესაფრის მისამართით - მირონოვსკაიას ქუჩა, 12. „რადიო თავისუფლებამ“ შეისწავლა ამ ტერიტორიაზე არსებული სახლების სურათები და მივიდა დასკვნამდე, რომ ფოტოზე ნამდვილად არის ამ მისამართზე მდებარე სახლი. პოპასნაზე დარტყმის შესახებ ინფორმაციის შემდეგ, სამხედრო ჟურნალისტმა სერგეი სრედამ „ვაგნერის შტაბის" მონახულების შესახებ პოსტი წაშალა, მაგრამ მისი მრავალი ასლი, სოციალურ ქსელში დარჩა.
უკრაინის ძალებმა, სოლედარში დაჯგუფება „ვაგნერზე“ ნაღმმტყორცნებით იერიში მიიტანეს - უკრაინის სასაზღვრო სამსახური
უკრაინის სასაზღვრო სამსახურის ცნობით, 12 იანვარს უკრაინის ძალებმა, სოლედარში დაჯგუფება „ვაგნერზე“ ნაღმმტყორცნებით იერიში მიიტანეს. ზელენსკი: სოლედარისთვის ბრძოლა გრძელდება „იერიშის შედეგად, დაქირავებულ მებრძოლებს შორის არის მსხვერპლი მოჰყვა“, - აცხადებენ სასაზღვრო სამსახურში. უკრაინის თავდაცვის მინისტრის მოადგილე: ოკუპანტები სოლედარის მთლიანად დაპყრობას ცდილობენ მანამდე, უკრაინის სპეცრაზმმა განაცხადა, რომ 100-მდე რუსი სამხედრო დაიღუპა მას შემდეგ, რაც სოლედარში ბრძოლისას უკრაინულმა მხარემ სარაკეტო დარტყმა განახორციელა. უკრაინის თავდაცვის მინისტრის მოადგილე: ოკუპანტები სოლედარის მთლიანად დაპყრობას ცდილობენ შეგახსენებთ, 11 ნოემბერს, უკრაინის შეიარაღებული ძალების ქვედანაყოფები ქალაქ ხერსონში შევიდნენ. უკრაინის პრეზიდენტმა ვოლოდიმირ ზელენსკიმ უკრაინელი სამხედროების მიერ ქალაქზე კონტროლის დაბრუნებას, ისტორიული უწოდა. რუსეთი უკრაინის კრიტიკულ იფრასტრუქტურას ბომბავს. დასავლეთი კიევს საჰაერო თავდაცვის სისტემებს და სხვა საჭირო დახმარებას აწვდის. ამასთან, ევროპის უმსხვილესი ქალაქები უკრაინას, ელექტროენერგიის გენერატორებსა და ტრანსფორმატორებს გადასცემენ. ევროპარლამენტის პრეზიდენტმა რობერტა მეცოლამ და ფლორენციის მერმა დარიო ნარდელამ „იმედის გენერატორების“ ინიციატივა წამოიწყეს. მისი მიზანია, ელექტროენერგიით უზრუნველყოს ქვეყნის ძირითადი ობიექტები, მათ შორის საავადმყოფოები, სკოლები, წყლის სადგურები, მოვლის ცენტრები, თავშესაფრები და საკომუნიკაციო სისტემები. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. ომის დანაშაულში ბრალდებული პირველ რუსი ჯარისკაცს უკრაინის სასამართლომ სამუდამო პატიმრობა მიუსაჯა. 31 მაისს, კიდევ ორ რუს ჯარისკაცს უკრაინის სასამართლომ ომის დანაშაულისთვის 11 წლით თავისუფლების აღკვეთა მიუსაჯა. „რუსეთის საჰაერო თავდასხმა უკრაინის ქალაქ მარიუპოლის თეატრზე, სადაც ასობით მშვიდობიანი მოქალაქე აფარებდა თავს, ომის აშკარა დანაშაულია", - განაცხადა უფლებადამცველმა ორგანიზაცია Amnesty International-მა 30 ივნისს, როდესაც მრავალი გადარჩენილი ადამიანი გამოკითხა და ვრცელი ციფრული მტკიცებულება შეაგროვა. 23 ივლისს, Human Rights Watch-მა რუსეთის მიერ ოკუპირებულ სამხრეთ უკრაინის ტერიტორიაზე ადამიანების გატაცებისა და წამების შესახებ ანგარიში გამოაქვეყნა. Human Rights Watch-ის მიერ სექტემბრის დასაწყისში გამოქვეყნებული ანგარიშის მიხედვით, უკრაინელები იძულებით გადაჰყავთ რუსეთში ან რუსეთის მიერ უკრაინის ოკუპირებულ ტერიტორიებზე. გაეროს ექსპერტთა ჯგუფმა, 23 სექტემბერს წარმოადგინა პირველადი შედეგები გამოძიების, რომელიც კიევში, ჩერნიგოვში, ხარკოვსა და სუმის ოლქებში ჩატარდა. 14 სექტემბრის მონაცემებით, უკრაინის ხელისუფლებამ განაცხადა, რომ უკრაინის შეიარაღებულმა ძალებმა კონტრშეტევის დროს, დაახლოებით 6000 კვ. კმ. დაიბრუნეს. რუსეთის კონტროლის ქვეშ მყოფი სამხრეთ რეგიონის გასათავისუფლებლად მთავარი კონტრშეტევის მოლოდინი ივლისის დასაწყისიდან გაჩნდა, როდესაც თავდაცვის მინისტრი, ოლექსი რეზნიკოვი ამბობდა, რომ პრეზიდენტმა ვოლოდიმირ ზელენსკიმ ოკუპირებული სამხრეთის გათავისუფლების ბრძანება გასცა. უკრაინა აცხადებს, რომ დეოკუპაციის მიზნით, კონტრშეტევებს განაგრძობს. AP: გაეროს ექსპერტებმა, უკრაინაში რუსეთის სამხედრო დანაშაულების შესახებ მტკიცებულებები მოიპოვეს ლიეტუვამ, ლატვიამ, ესტონეთმა, პოლონეთმა და ჩეხეთმა რუსეთის ხელისუფლება ტერორისტულ რეჟიმად გამოაცხადეს. ამასთან, ევროპის საბჭოს საპარლამენტო ასამბლეამ ერთხმად მიიღო რეზოლუცია, რომლითაც რუსეთი ტერორისტულ რეჟიმად აღიარა. 23 ნოემბერს, ევროპარლამენტმა რუსეთი ტერორიზმის სპონსორ სახელმწიფოდ გამოაცხადა. 24 ნოემბერს, ნიდერლანდების პარლამენტმა, რუსეთი ტერორიზმის სპონსორ სახელმწიფოდ აღიარა. დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს.
